CHAPTER THIRTY EIGHT
9:05 AM
BISPERAS ng bagong taon. Kahapon pa umalis si Grevan at kagaya ng napag-usapan namin babalikan niya ako rito sa ikalawang araw ng unang buwan ng taon. Hindi na namin napag-usapan pa talaga ang tungkol sa sinabi niya hindi lang ako ang nag-iisang bakla sa buhay niya. Malakas ang kutob ko na iyong mga kausap niya sa phone, mga parausan lang din sila ni Grevan… kagaya ko.
Baka kung paano niya ako napapayag ay ganoon din ang ginawa niya sa iba pa. Wala na talaga akong pag-asa maging nag-iisang espesyal sa kaniya. Naisip ko tuloy, bakit hindi niya ako pinapayagan makipagkita sa ibang tao kung siya naman pala ang ganoon ang ginagawa. Hindi patas. Pero kung tutuusin—hindi rin naman siguro tama na, gagawin ko ang bagay na ginagawa niya. Hindi ko kikitain si Se
