Pagkatapos nilang mawala sa aming paningin ay napagpasyahan na namin ni Dalia na muling bumalik sa palasyo, at ngayo'y nakahawak ako sa cloak ni Dalia na animo'y parang bata upang hindi mawala dahil napakarami nga kasing tao dito sa Jiastrixus.
Isa pa, si Dalia lamang ang nakakaalam ng aming daraanan. Kanina kasi'y masyado akong busy sa kakalibot ng paningin sa paligid sa pagkamangha, kaya hindi ko alam este hindi ko natandaan kung saan kami nagdaan kanina, o kung saan ba kami galing.
Habang naglalakad ay hindi ko maiwasang mag isip isip. Paano ko itatrato si Clyde ngayong alam ko na ang nakaraan niya? Sigurado akong ayaw niyang kaawaan ko siya at baka nga'y ayaw niya 'ring malaman ko ang diranas niya noon, eh. Magpapanggap ba akong hindi ko alam? Malabo, dahil alam nating lahat na
