Nagulat ako ng marinig ko itong magsalita, lalo na sa kanyang sinabi na dahilan upang mapaangat ang tingin ko sa kanya.
Pumapayag siyang ako ang papalit sa pwesto ni Wilhelmina?
Ngunit mas nagulat ako ng makita ko si Wilhelmina na napalilibutan na ng puting kumot ang katawan, at nakita ko itong bitbit ni Seifer sa kanyang mga braso. Bridal style.
Tumingin ito sa akin— si Seifer, at sa unang pagkakataon ay nakita ko ang tipid niyang ngiti sa akin. Hindi katulad kanina na wala itong ekspresyon kung tumingin na animo'y hindi ako kilala. Sa harapan nito ay nandoon si Carmela na mugto pa 'rin ang mata, at nakatingin sa akin at nakangiti ng may kung anong emosyon na sa tingin ko'y positibo naman.
Napahinga ako ng maluwag at napangiti. Ramdam ko ang paggaan ng aking pakiramdam dah
