KEIKO
"ARE WE CLEAR, Miss Tanaka?"
Napamulagat siya at nakurap-kurap sa harap ni Mrs. Tobias. Ang senior citizen na secretary ni Reese. Kasalukuyang naroon siya sa aPhone Company Inc. building sa may BGC, Taguig. Para sumabak sa totoong training, at si Mrs. Tobias na kalahi yata ni Miss Minchin ang nagtuturo sa kanya.
Lahat ng mga bagay na kailangan niyang malaman ay sinasabi at pinapaliwanag nito. Ultimo mission at vission ng kumpanya ay pinapa-recite pa sa kanya. Bumuntong hininga siya at sabay ngumiti.
"Super clear po," aniya pero ang totoo full storage memory na ang utak niya. Antok na antok na siya.
Maaga kasi siyang dinala doon ni Reese. Alas-sais pa lang nang umaga tapos alas-siete nang umpisa na sila agad ni Miss Michin este Mrs. Tobias. Ihi lang yata ang naging pahinga niya.
