KEIKO
NATAPOS na rin sa wakas ang training niya kay Mrs. Tobias. Hindi siya nahirapan sa unang araw niya bilang assistant secretary nito. Mga minimal na gawain lang ang binibigay ni Mrs. Tobias sa kanya.
Sa buong maghapon laging nasa tabi lang siya ni Mrs. Tobias. Bihira ito magsalita ngunit nasasanay na rin siya sa ugali nito. Nag-excuse siya sandali para magtungo sa comfort room.
Naabutan niya sa loob ng comfort room ang tatlong babae na naka-assigned sa Marketing Department. Kapansin-pansin na biglang nanahimik ang tatlo at tinignan siya. Nilagpasan lang niya ang mga ito at pumasok sa bakanteng cubicle.
"Ang unfair naman. Ang akala ko mataas ang qualifications pag mag-apply bilang sekretarya ng CEO. 'Yon pala puwede na ang mga highschool graduate."
"True! Malakas ang kapit siguro."
