Walang kaayusan ang pagkakaupo ni Perlas sa silya sa loob ng silid habang naghihintay sa pagdating ng kanilang professor para sa Business Process Management. Their professor was also the Chairperson of Central Protego. May katandaan na ito at medyo mabagal maglakad kaya hindi na nakapagtatakang hindi pa ito dumarating.
Pinagkrus niya ang mga kamay sa ibabaw ng armrest ng upuan at inihimlay ang ulo doon. Inaantok na siya at nagrereklamo na ang sikmura niya. Gusto niyang kumain na sa mga pagkaing nakahilera sa food carts sa labas ng universidad.
“Good Morning, everyone,” biglang sambit ng pamilyar na boses. The voice was low and cold, as if the person was talking to an object.
Napaangat siya ng mukha para lang mapanganga. Lalo na nang dumako rin sa direksyon niya ang mga mata ng lalaki.
