العهد ( الجزء الاول )

الحلقة الثانية

الحلقة الثانية

الدكتور :: متقلقش يا حبيبي بابا كويس متقلقش

طلعت جريت علي اوضة بابا لقيته نايم في السرير

انا :: بابا مالك اي الي حصل

بابا :: مفيش يا حبيبي شوية تعب بس

انا :: ولما شوية الدكتور كان بيعمل اي

بابا :: تعالا بس اقعد وانت يا شفيق جهزلنا الغدا شويه وهننزل نتغدا

شفيق :: حاضر يا فندم هجهز لحضرتك اكل زي مالدكتور قال

انا :: واكل مخصوص كمان ليه هو قالك اي يا بابا

بابا :: فيرس سي

انا :: (بدمعه في عيني) الكبد صح

بابا :: ايوه بس في علاج يا حبيبي متقلقش

انا :: بعد العلاج هتبقي كويس صح

بابا :: صح يا حبيب بابا

بعد شويه نزلنا اتغدينا وفرحت بابا بالشهاده و***بنا شويه وتاني يوم روحت معاه الشركه كالعاده بروح معاه في الاجازه وكان في اجتماع مجلس اداره

بابا :: اي اخر التطورات في التصاميم يا حضرات

مهندس ١ :: ت**يم باسل ات الاسكان بتاعت الدوله خلصت امبارح وهنبتدي شغل من اول الشهر

بابا :: تمام يا باش مهندس واعملوا حسابكم مفيش تاخير عن التسليم

مهندس ٢ :: متقلقش يا فندم التسليم هيبقي قبل الميعاد كمان

بابا :: تمام بالنسبه بقا للكباري المناقصه اي اخبارها

مهندس ٣ :: احنا قدمنا الشروط يا فندم ومستنين قرار اللجنه الاداريه

بابا :: مين الشركات الي قدمت معانا غير المقاولون والنصر

مهندس ٣ :: كالعاده احنا بس يا فندم مفيش شركه رابعه

بابا :: تمام وزي كل سنه المناقصه دي بتاعتنا فنعمل حسابنا بردو علشان هيبقي الضغط علينا كبير

مهندس ١ :: المناقصه تيجي بس يا فندم واحنا قدها

بابا :: واي الي يخلي المناقصه متجيش بقا يا باش مهندس

مهندس ١ :: ولا حاجه يا فندم انا بقدم المشيئه بس

بابا :: يلا اتفضلوا الاجتماع انتهي

كلهم :: عن اذنك يا فندم

بابا :: ها اتعلمت اي من اجتماع النهارده

انا :: درسين

بابا :: اول درس

انا :: مهما كان الحمل تقيل اقدر اقسمه بحيث اقدر اشيله كويس

بابا :: وتاني درس

انا :: مش كل الي شغالين معايا محل ثقه ولا اديهم سري

بابا :: (باستغراب) قصدك اي يا باسل

انا :: المهندس الي كان بيشكك في ان المناقصه لينا وراه سر او لعبه بيلعبها لحسابه

بابا :: قصدك انه

انا :: بنسبة ٦٠٪ بيشتغل لحساب نفسه وبيعمل مصلحه من وراك وبنسبة ٩٠٪ بيشتغل لحساب حد تاني وبيعمل مصلحه بس اكبر بكتير من الي هيعملها لوحده

بابا :: عاش يا باسل نظرتك مش بتخيب يا حبيبي

انا :: ولسه هنتعلم يا باش مهندس

بابا :: صح يا حبيبي مهما عرفت ووصلت خلي ديما في بالك ان مش دي نهاية العلم او نهاية الشغل او اي حاجه

انا :: اكيد يا بابا مفيش حاجه ليها نهايه الا بموت الانسان

بابا :: عشره علي العشره يا حبيبي

انا :: يلا بقا انا عازمك علي الغدا برا

بابا :: بس بشرط

انا :: عارف انت الي هتحاسب

بابا :: هههههههه ايوه

وخرجنا من الشركه انا وبابا وروحنا مطعم خمس نجوم وقعدنا وجيه المتر اخد طلباتنا واتكلمنا شويه وبعد ماتغدينا

بابا :: خد يا حبيبي وقولي اي رايك

انا :: لا ده بجد صح

بابا :: اه طبعا يا حبيبي الف مب**ك علي الشهاده

انا :: حلوه اوي يا بابا بس غاليه جدا

بابا :: مفيش حاجه تغلي عليك

وكانت ساعه رولي** مكتوب جواها اسمي بالانجليزي ولبستها وبعد ما خلصنا خرجنا اتفسحنا شويه ورجعنا علي البيت لعبنا بلايستيشن كالعاده غلبت بابا وطلعت نمت والايام ماشيه وعدت شهور وسنين وكنت ديما اطلع الاول علي المدرسه ومعتمد التاني وفتحي واحمد بيجيبوا درجات كويسه بردو لحد ما كنا في ثالثه ثانوي ووخلاص قربنا علي الامتحنات

انا :: معتمد

معتمد :: اي يا عم سيبني اذاكر

انا :: فتحي واحمد فين مجوش لحد دلوقتي

معتمد :: عندهم مشوار هيخلصوه

انا :: عايز اعرف العيال دي بتختفي فيت حتي ليلة الامتحان

معتمد :: الا قولي يا بيسو احنا بقالنا كام سنه مع بعض

انا :: اهو ٦ سنين اي اعجبت بيا ولا اي يا سي معتمد لا انا مش بتعت الكلام ده انت تطلبني من بابا والاهتمام مش بينطلب

معتمد :: بس بس تمثيلك اوفر جدا ممثل فاشل

انا :: هههههههه طب قول ليه السوال

معتمد :: اصل عمري ما دخلت بيتكم يعني

انا :: وهو انتوا طلبتوا وانا رفضت

معتمد :: طب مين الي بيجي ياخدك بالعربيه كل يوم من عند المدرسه او بيجيلك هنا وعارف عنواين بيوتنا كلنا ده

انا :: طب اعمل اتنين شاي وتعالا

معتمد :: (بعد شويه) اتفضل يا كبير

انا :: تسلم ايد*ك اقعد بقي وركز معايا علشان دماغك يمكن تلف مني

معتمد :: حاضر قصة عنتره هيا اتفضل ارغي

وحكيتله كل حاجه عني بالتفصيل الممل

انا :: معتمد مالك ياض

معتمد :: هاه لا ابدا مستغربك بس

انا :: عارف وفاهم ازاي عندي كل ده وفي مدرسه حكومه صح

معتمد :: غير كده الي زيك كده عنده عربيه احدث موديل وبيصرف من غير حساب انما انت عامل حساب لكل حاجه ومش بتعمل حاجه غلط

انا :: علشان بابا واثق فيا لابعد الحدود وانا متعودتش ا**ر ثقة حد فيا

معتمد :: انا شرف ليا اني عندي صاحب زيك يا باسل

انا :: بالع** يا اسطي دانا الي اتشرف بصاحب زيك برغم الظروف الي انت محطوط فيها دي بتنافسني علي المركز الاول ديما

معتمد :: تسلم يا حبيبي

فتحي :: اهلا بالناس المجتهده

انا :: كنت فين يا زفت مش قليلكم نتجمع نذاكر

احمد :: علي الهادي يا بيسو اهو جينا خلاص اهو

معتمد :: ابقي تعالا تف علي قبري لو نفعت

فتحي :: يا عم بعد الشر دانا هرمي مية نار مش هتف بس

انا :: طب اقعد يا فالح جنبي هنا علشان اراجع معاك وانت ياحمد مع عمك معتمد

احمد :: عمي وعم عيالي كمان انا اطول

معتمد :: اه اذا كان ليك عند الكلب حاجه قوله يا سيدي صح

فتحي :: هنبدا منين يا سيدي

انا :: هنبدا من اول المقرر.. قصدك اي

فتحي :: هههههههه معلش يا اسطي مقدرتش اعديها كده

احمد :: ميبقاش فتحي لو معملش من اي حاجه افيه وقلش علينا

معتمد :: ركز معايا هنا يالا

احمد :: حاضر يا سيد الناس

وبعد ساعتين خلصنا مراجعه ولمينا المقرر

فتحي :: علي الطلاق لو دكتور في الجامعه بيشرحلي مهفهم كده تسلم دماغك يا بيسو

انا :: يعني انفع معيد في جامعه

احمد :: تنفع بس دانت تقعدهم في البيت يا ابو الصحاب ومعتمد كمان دماغه سم بيوصل المعلومه للنخاع مش ال*قل بس

معتمد :: حبيبي يا ابو احميد اي خدمه يا غالي

فتحي :: ربنا يخلينا لبعض يا رجاله

كلنا :: امين يا رب

انا :: يلا هطير انا متتاخروش بكرا المراجعه بكرا عندي

احمد :: ياه اخيرا هتغدينا عندك

انا :: منا بقالي ٦ سنين قولت واحد هيبقي بجح ويطلب مني انما طلعتم محترمين

فتحي :: ما انتا بيتك بعيد عن المدرسه واحنا اقرب وكلها واحد يا بيسو في بيتها يا صاحبي

انا :: طبعا بيتكم بيتي يا توحه ربنا يديم المحبه والاخوه يلا اطير انا سلااام

كلهم :: سلااام

ورجعت البيت وقعدت مع بابا اتغدينا

انا :: بابا بعد اذنك في جماعه صحابي هيتغدو معايا بكره

بابا :: طبعا يا حبيبي موافق اخيرا هشوفلك صحاب

انا :: عادي يا بابا مكنتش لاقي الناس المناسبه بس علشان اصاحبها

بابا :: بالنسبه لاي يا حبيبي

انا :: ابدا يا بابا من ناحية الشباب والموضه السجاير بقت موضه والم**رات بقت منظره وبيفتخروا انهم بيشربوها كلامهم مع البنات موضه سوري يا بابا يعني دول مش هيصحبوا واحد زي الا لسببين وحضرتك عارفهم

بابا :: ربنا يكملك بعقلك يا حبيبي طب ما اكيد صحابك دول مصاحبينك علشان سبب من السببين بردو

انا :: هما ميعرفوش عني حاجه اصلا يا بابا

بابا :: ازاي مش العربيه بتاخدك من قدام المدرسه

انا :: لا انا بخلي خالد يستني علي اول الشارع وهو بيجي علي رجليه ياخدني

بابا :: فهمت يعني انت مرتب كل حاجه من اول مدخلت المدرسه

انا :: دي حقيقه وعملتلهم اختبارات وعملولي اختبارات كمان هههههههههه

بابا :: ماشي يا حبيبي يشرفو في اي وقت وابقي روح هاتهم بالعربيه الطريق طويل عليهم

انا :: حاضر يا بابا

وعدي اليوم عادي وتاني يوم صحيت اخدت شاور ولبست واخدت العربيه ومعايا خالد بس وعديت علي معتمد وفتحي واحمد وروحنا علي الفيلا

فتحي :: بتاع مين القصر ده يا بيسو

انا :: بتاع الجيران هنتغدي عندهم وبعدين نشرب الشاي في بيتنا

احمد :: يا عم متهزرش انت عايش هنا يا باسل

انا :: ايوه يا ابني اي مالك تعالوا اتفضلوا بس ونتكلم جوا

معتمد :: ما تدخلوا ياابني انتو متنحين ليه

وبعد مدخلنا وقعدنا جوا وفتحي واحمد مذهولين بالفيلا وفي دماغهم مليون سوال

انا :: منورين بيت اخوكم يا رجاله

احمد :: انت باباك شغال اي

انا :: في المقاولات

فتحي :: اما انا حمار بشكل ده هو بجد

احمد :: هو مين ياض انا خايف اصلا ماتخوفنيش بذياده

معتمد :: هههههه يا ابني اهدا ده بيت باسل ووالده يبقي الباش مهندس عز ابو طاحون صاحب شركات طاحون للمقاولات فهمتوا

فتحي :: انا كنت فاكر تشابه اسماء فمشغلتش بالي بس صورتكم المتعلقه دي اثبتتلي اني صح

انا :: ها خلصتوا اندهاش يلا الطفح جاهز وبابا وصل

كلهم :: هيتغدي معانا كمان

انا :: ايوه طبعا مبيعرفش ياكل من غيري

وروحنا علي السفره

انا :: بقولكم اي كل واحد ياخد راحته انتو في بيت اخوكم وزي ما اعتبرت بيتكم بيتي انتو كمان تعتبرو البيت بيتكم مش محتاج اعزم علي حد واقوله كل واشرب واتنيل مفهوم

فتحي :: يا عم انا م**وف من ابوك

احمد :: ولا ولا هيا الشوكه في اليمين ولا الشمال

فتحي :: انت كافر يلا كل بالمعلقه بس وبايد*ك اليمين

انا ومعتمد :: ههههههههههههههههههه

بابا :: ضحكوني معاكم يا ولاد

انا :: اتاخرت يا باش مهندس

بابا :: اسف يا فندم شوف الجزا المناسب وطبقه عليا

انا :: مفيش بلايستيشن النهارده

بابا :: لااا انت بتلكك بقا علشان تلعب انت وصاحبك بس

انا :: بصراحه اه

احمد :: هو فيه بلايستيشن كمان

انا :: للصبح يا اخويا

فتحي :: صبح اي يا غالي لا موخذه

انا :: اه منا نسيت اقولكم انتو هتباتوا معايا علشان نراجع علي المنهج

كلهم :: واهلينا يابني

انا :: قولتلهم وانا خارج من عندكم

معتمد :: مفيش حاجه بتفوتك

بابا :: صحيح يا شباب ناووين علي اي

كلنا ما عدا معتمد هندسه زي باسل

بابا :: وانت يا معتمد

معتمد :: لسه مقررتش يا عمي بس في دماغي هندسه بس حربيه

بابا :: مهندس حربي جميل جدا مهندس وضابط جيش

انا :: يعني هتسيبني مع الاتنين دول لوحدي

فتحي :: ليه هو احنا زومبي ولا حاجه

احمد :: سيبه يشوف مستقبله يا باسل هينجح في الحاجه الي بيحبها

معتمد :: علي اساس اتقبلت انا يعني ده مشوار طويل ويا صابت يا خابت

بابا :: قصدك علي الواسطه يا معتمد

معتمد :: ايوه يا عمي بس انا سايبها علي الله

بابا :: كله علي الله متشغلش بالك انت بدي اعتبر نفسك قبلت خلاص

معتمد :: بجد متشكر جدا يا عمي جميل عمري مهنساه

بابا :: جميل اي يا ولد انتو كلكم عندي زي باسل بالظبط

كلهم :: ربنا يخليك لينا

وخلصنا اكل وقومنا لعبنا بلايستيشن شويه وبعدها قعدنا لحد الصبح نذاكر وبابا يطمن علينا كل شويه ويجبلنا سندوتشات وعصير وشاي وطلعت الصبح بعد ما خلصنا وصلت الشباب ورجعت نمت لحد تاني يوم

بابا :: باسل بيسو اصحي يا حبيبي

انا :: حاضر يا بابا الساعه كام

بابا :: الساعه ٢ :: 30 يلا علشان تتغدي معايا

انا :: حالا اخد دش وانزل لحضرتك

قومت اخدت الدش ونزلت لقيت بابا علي السفره مستني

انا :: مش عوايدك تيجي قبل ٤ يعني

بابا :: قولت بما انك في البيت اجي بدري نتغدي ونقعد شويه

انا :: يسلام بس كده انا اتشرف يا باش مهندس

وبعد الغدا روحنا مكتب بابا ودخل فتح الخزنه وطلع دوسيه ورق

بابا :: امسك يا باسل اقرا ده كده

انا :: ( بحزن) اي ده يا بابا دي وصيه

بابا :: انا كتبتلك كل حاجه باسمك وهتلاقي عندك كشف بالاراضي وال*قارات والحسابات الي في البنوك والفلوس الي لينا في السوق كل حاجه

انا :: ايوه لازمتها اي يعني عايز افهم واشمعني دلوقتي

بابا :: علشان بقيت كبير كفايه انك تعرف كل حاجه عندك وده حقك

انا :: ده مش سبب يا بابا قولي صارحني فيه اي

بابا :: طب اقعد واهدي كده وهفهمك

اخدت بالي ان قومت واتعصبت وصوتي بقا عالي

انا :: انا انا اسف يا بابا مش قصدي حقك عليا

بابا :: حصل خير يا عم وبعدين اثبتلي اني عندي حق اهو

انا :: ازاي بقا

بابا :: صوتك اخشن وبقيت تتعصب وتتنرفز اهو بقيت راجل

انا :: لا مش راجل لما صوتي يعلي عليك او في يوم اتعصب وبعدين متوهش وفهمني بقا

بابا :: حاضر بص يا سيدي النهارده بكره بعد سنه او ١٠٠ سنه انا ميت

انا :: بعد الشر علي حضرتك

بابا :: الموت مش شر الموت حق وكلنا هنقا**ه في الاخر فعلشان كده انا قعدت معاك وبعرفك الكلام ده

انا :: مقتنعتش بردو

بابا :: لا اقتنع ويلا خد الورق ده معاك واطلع شيله عندك

انا :: حاضر

بابا :: ومتسهرش قدام المذاكره كتير

انا :: حاضر

بابا :: و..........

انا :: حاضر

بابا :: هو انا قولت حاجه اصلا

انا :: هههههههه حاضر

بابا :: ههههههههه ماشي

وعدت الايام وامتحنا وبعد الامتحانات باسبوع

معتمد :: انا خايف

*############