AVERY
Tahimik na pinagmamasdan ko si Sir Xander sa harap ko. Nakakatakot ang nakikita kong madilim na ekspresyon ng mukha niya, habang nakatitig ang mga mata sa hawak na cellphone.
Hindi nagtagal ay nakita kong may tinawagan siya. Ilang ulit na napalunok ako habang nasa kan'ya ang atensyon ko at pinakikinggan pati ang ilang ulit na paghugot niya ng malalim na buntong-hininga.
Ramdam kong hindi siya mapakali. Nakikita kong frustrated siyang nakapamewang at nagpalakad-lakad sa harap ko, habang hinihintay na sagutin ng taong tinatawagan ang tawag niya.
Gusto ko sanang magtanong sa kanya kung bakit ganito ang naging reaksyon niya, matapos mabasa ang resulta ng ginawang test sa aming dalawa, pero sa nakikita ko, hindi ito ang tamang oras, lalo na at hindi maikakaila na mainit ang ulo ni Si
