AVERY
Hindi ko alam kung gaano katagal akong mag-isang naghihintay kay Sir Xander dito sa sala. Inaantok na ako at hirap na akong labanan ang pamimigat ng mga mata ko, kaya pinili kong pumasok sa loob ng silid niya at maligo, para hindi naman nakakahiya sa kanya, kapag gusto na naman niyang angkinin ang katawan ko.
Wala akong dalang pantulog at hindi rin naman ako p'wedeng matulog ng hubàd. Masyadong malamig ang temperature dito sa loob ng silid, kaya kahit nag-aalangan ako ay binuksan ko ang isa sa mga nakita kong cabinet dito sa loob ng silid ni Sir Xander at kumuha ng isa sa mga damit niya.
Sana lang talaga ay hindi siya magalit sa akin. Nakakahiya na nakialam na naman ako sa gamit niya, pero dahil wala naman akong ibang choice kaya pikit-matang sinuot ko ang isa sa mga t-shirt niya.
