Nang marinig iyon ay pumanhik na siya. At least wala siyang problema sa kapatid dahil may gusto itong ibang babae at kung sino man ang Kathlyn na iyon ay kahit ganoon ang kapatid. Maingay at brusko ngunit pagdating sa babae ay stick to one. Naalala niya noong una itong mainlove tila ba ito na ang babaeng papakasalan nito at lahat ay binigay.
Napailing pa nang una siyang yayain nito ng inuman dahil nahuli nitong may ibang mahal ang babaeng inibig niya ng sukdulan. Kaya siguro ngayon ay very reserve na ang kapatid kapag pag-ibig ang pag-uusapan. Pagdating sa silid ay agad na naghubad at nag-shower. Pagod siya sa work at sa kasusunod kay Dani. Habang nasa ilalim ng dutsa ay hindi niya maiwasang maalala ang eksena kanina nang makita ng batang paslit si Dani. Tila sabik na sabik ito sa yakap
