"Hoy, ikaw ha! Balita dito sa barangay na nililigawan ka na ni kapitan Brandy! Totoo ba? Ang haba naman ng hair mo kung ganoon!" nakangising sabi ni Kristel kay Zora.
Namilog naman ang mata ng dalaga. "Ha? Pinagsasabi mo diyan? Anong nililigawan? Walang ganoon uy!"
Mapanlokong ngumisi si Kristel na tila ba hindi naniniwala sa sinabi ni Zora. "Huwag ka ng magkaila pa diyan. Be proud na nililigawan ka ni kapitan Brandy! Hindi mo alam kung gaano karaming babae ang nagkakandarapa sa kaniya tapos sa iyo lang pala babagsak? Hindi ba, heaven?!'
Natatawang umiling si Zora. "Bahala ka nga sa buhay mo kung ayaw mong maniwala. Walang ligawang nagaganap sa aming dalawa. Hindi ko nga alam kung bakit bigla na lang nagpupunta dito si kapitan. Pero wala namang kaso sa akin iyon dahil kumakain lang nama
