"Uy, kapitan!" sambit ni aling Bakekang nang maupo sa kaniyang muntik karinderya si Brandy.
"Kakain po ba kayo dito? Anong ulam po ang gusto ninyo?"
"Ahm... adobong manok na lang," tipid na sambit ni Brandy.
Hinanap ng kaniyang mata si Zora. Hanggang sa matanaw niya ito mula sa siwang ng kurtina sa kusina. Abala ito sa paghuhugas ng malalaking kaldero.
"Bakit po, kapitan? Gusto niyo bang makausap ang pamangkin ko?" wika ni aling Bakekang nang makita niyang nakatingin si Brandy kay Zora.
"Mamaya na lang kapag tapos na siya sa gawain niya."
Tumango na lang si aling Bakekang. Habang si Brandy naman ay nagsimulang kumain. Kahit na kumakain sa mamahaling restaurant si Brandy, hindi niya pa rin maiwasang kumain sa mga simpleng kainan kagaya ng karinderya. At nasasarapan siya sa luto ni a
