"Oh? Bakit ka nakangiti diyan?" natatawang tanong ni Archer nang makitang nakangiti si Brandy.
"Wala... may naisip lang akong nakakatawang bagay," nakangiting sagot ni Brandy.
Kumunot ang noo ni Archer. "Nakakatawang bagay? At ano naman iyon? Hindi kaya ... nagkakamabutihan na kayo ni Cathy? Gusto ka na ni Cathy?"
Biglang sumeryoso ang mukha ni Brandy. "Hindi. At huwag mo ng babanggitin pa ang pangalan ng babaeng iyan. Tapos na ako sa kaniya. Nagsawa na ako kahahabol sa kaniya. Akala mo kung sino siyang pinakamaganda. Napakaarte. Kupal siya."
Malakas na tumawa si Archer. "Grabe galit na galit ka naman, boss! Parang dati lang ang sabi mo sa amin siya ang pinakamagandang babae sa lahat, ha!"
"Bulag kasi ako no'n."
"Ha? Anong pinagsasabi mo? Ayaw mo na kay Cathy? Akala ko ba siya lang a
