CHAPTER TEN
KANINA pa ako nakaharap sa laptop ko habang nasa loob ako ng kwarto ko at wala man lang improvement sa bagong manuscript na isinusulat ko. Masyado nga yatang maraming gumugulo sa isip ko.
Hay…
Ngayon pa ba 'ko magkaka-writer's block kung kailan may deadline akong hinahabol?
Wala sa loob na napabuntong-hininga ako. Ilang araw na ang nakalipas simula noong engkwentro namin ng madrasta kong hindi naman pala legal na kasal sa Dad ko. At kahapon dapat ang unang hearing namin sa kaso pero hindi naman sumipot si Sylvia kaya mare-reschedule na naman ito.
At si LA, ilang araw na siyang hindi nagpapakita sa akin. Ang sabi niya okay lang daw na hindi natuloy ang unang pagdinig dahil kapag napagtibay na nila lahat ng ebidensiya, mawawala rin ng dahilan si Sylvia para hindi managot sa
