"Bakit ang tagal ng mga pulis na pinatawag mo, Ambrose?! Nang madampot na itong magnanakaw na 'to!" galit na sigaw ni Mommy.
Naghalughog na sila sa bawat kwarto ngunit wala ang jewelry ni Morrine. Hindi makita at wala rin mga umaamin.
"Miss Aya maniwala kayo hindi ko po talaga kinuha..." Niyugyog ni Helena ang braso ko para kumbinsihin pa ako.
Nandito kami lahat sa Salas at masama ang tinging iginagawad nila sa akin lalo na ni Daddy na kanina pa walang imik pero kitang-kita ang madilim na aura.
Binalingan ko si Helena. "Tumahimik ka na muna," seryoso kong saway sa kanya kaya natahimik nga ito pero naroon pa rin ang pangangatog niya.
"Kung wala ka talagang kinuha, maging kalmado ka lang. Maliban na lang kung guilty ka talaga... I'm sorry wala na 'kong magagawa pa sa iyo kung mapatunaya
