NATAPOS ko ring i-email ang contract na pinirmahan ni Miss Camille kanina. Kaya nagpasya na muna akong tumayo sa table at pumunta sa restroom, nakaramdam ako ng pagkaihi.
Malinis at mabango ang restroom, na always nililinis ng mga mababait at masisipag naming janitor dito. Nang makaihi na ako ay agad din akong lumabas, hindi pa naman ako nakakalapit sa table ko nang may makita akong hindi maganda.
Pinatalas ko ang aking mga mata at doon ay nakita ko ang isang babae na papalapit sa table ko.
Napahilot ako sa aking sintido nang makita na naman ang Rachelle na iyon. Pagkatapos ni Camille ay siya naman, ano?
Ano ba ang nakita nila sa isang Gurang na iyon?
Uy, hindi naman siya gwapo! May sira na ba ang mga mata nila, ha?
Hindi nila ma-distinguish kung ano ang gwapo sa mukhang Ermitanyo?
