MONDAY morning, balik work na ulit tayo. Maaga akong nagising at mabilis din ang naging kilos ko. Maulan daw sa labas kaya sabi ni Papa ay need naming umalis nang maaga.
Nagkaroon kami ng usapan ni Papa na tuwing papasok sa company ay sabay kaming papasok at kapag pauwi naman ay depende kung may mga dinner meeting sila ni ninong Alejandro, katulad na lamang nuʼng Friday. Kapag nagkataon ay magko-commute ako nang wala sa oras.
Maulan nga sa labas nang bumayahe na kami papunta sa BGC. Mabuti na lamang ay naka-pants akong black and white turtle neck with black blazer. Iyon ang suot ko ngayon. May traffic kaming nadaanan kaya laking pasasalamat naming maaga talaga kaming umalis sa bahay ngayon.
“Pa, thank you po ulit! Mamaya po ulit!” sabi ko sa kanya habang ginagawa kong payong ang akin
