Chapter 16 - Revelation
"Nababaliw ka na ba? Magpapakamatay ka ba! Ano ba ang nasa isip mo, Ellaine? You almost died back there!" Bulalas niya.
Napayuko naman ako dahil sa sigaw niya. Galit na galit siya sa akin ngayon na halos mamula ang leeg niya. Hindi ako makapagsalita at pilit pa ring iniisip ang nangyari kanina.
Walang sumalo sa akin tulad ng inaasahan ko. Pero pagkadilat ko ng mata ko ay lumulutang ako. Mabagal ang pagbaba ko sa lupa hanggang sa makaapak ako sa sahig. May isang bisig ang humila sa akin at ikinulong ako sa yakap.
I cried.
Hindi dahil sa takot kundi dahil sa tuwa. Akala ko kasi ay hindi niya ako ililigtas. Akala ko ay wala siyang pakialam kung ano ang mangyari sa akin.
Naglalakad lang kami at nakasunod lang ako sa kanya. Kung titignan ang dinadaanan namin papunt
