Alas onse na ng gabi nang kumatok sa pinto ng kuwarto ko si manang. Agad akong nagtungo sa sala ng bahay namin nang ipatawag ako ni Daddy kay manang. Wala pa ako sa sala, hindi ko pa nakikita ang mukha ng Daddy ko at hindi pa siya nagsasalita pero abot langit na ang kaba ko.
'Hindi naman siguro kami nakita ng mga tauhan niya na magkasama ni Seira nitong mga nakaraang araw, di'ba?' tanong ko sa sarili ko habang dahan-dahang naglalakad patungo sa hagdan. Wala akong maisip na anumang bagay na ikakagalit ni Daddy kaya nagpasya akong hayaan na lang siyang sabihin kung ano ang gusto niyang pag-usapan namin.
Agad kong nakita si Daddy nang makarating ako sa hagdan. Nakaupo siya sa sofa at magkasaklop ang mga kamay. Napaisip akong bigla nang makita ko ang ayos niya. Nakaputing long sleeve siya at
