Binuhat ko si Seira patungo sa kama ko nang makatuog siya dahil sa pag-iyak. Hindi ko alam kung ano ang dahilan kung bakit niya ako pinipigilan sa plano ko upang hindi matuloy ang magiging kasal dahil hindi niya naman nasabi sa akin kanina.
Napabuntong hininga na lang ako ng makita ko ang mugtong mata ni Seira nang buksan ko ang lampshade sa tabi ng kama ko. Kinumutan ko siya hanggang sa dibdib at saka ako tumabi sa kaniya. Tinanggal ko ang mga buhok na nakaharang sa kaniyang mukha at saka inayos iyon sa likod ng kaniyang tenga.
Ngayon ko na nga lang ulit siya nakita at nakausap, pinaiyak ko na naman agad. Napakawalang kuwenta ko talaga. Ilang beses ko na siyang pinaiyak. Siguradong natakot siya sa akin kanina noong nagalit ako. Hindi ko sinasadyang magalit sa kaniya. Nabigla lang ako sa
