"Break na kami ni Hyujin." Natahimik silang dalawa dahil sa sinabi ko. Si Noella ay tila hindi pa napo-proseso sa utak ang sinabi ko. Kabaligtaran naman kay Jinx na seryoso lang na nakatitig sa akin.
"Ano?!!!" sigaw na tanong ni Noella na gulat na guat. Napatayo pa siya at agad na lumapit sa akin. "Break na kayo? Paano? I mean, bakit? Anong nangyari?" sunod-sunod na tanong ni Noella.
"Mahabang kwento. Sa susunod ko na lang sasabihin," rason ko.
"Kahit gaano pa 'yan kahaba, handa akong makinig. Sabihin mo sa akin, anong nangyari? Bakit kayo nag-break? Humanda talaga sa akin yang Hyujin na yan!" pagbabanta niya.
"Noella, hayaan mo muna siyang magpahinga. Sasabihin niya naman kapag handa na siya, 'di ba?" tumango naman ako sa sinabi ni Jinx. Sa ngayon hindi pa talaga ako handang pag-usapa
