Pagkatapos ko magbihis ay sinabihan ko si Hyujin na ipagpamamaya na lang muna ang gusto niyang sabihin dahil hinahanap na kami nina tito sa baba. Nagpumilit pa siya dahil importante raw ang gusto niyang sabihin ngunit sinabi ko rin na mayayari kami kapag inakyat kami nina mama at nalaman na may relasyon kami dati. At iton ang ayokong mangyari. Sa huli ay wala rin siyang nagawa dahil lumabas na ako ng kuwarto.
Bago pa kami makarating sa sala ay sinabihan ko na siyang h'wag sasabihin ang dati naming relasyon at h'wag na h'wag kokontra sa pagpapakasal nila. Idinagdag ko pa na magkunwari na hindi kami magkakilala upang hindi sila maghinala.
"Opo, daming ibinilin. Tss," reklamo niya habang nakabusangot sa likod ko.
Nang makarating kami sa sala ay napansin ko ang mga nakaplastik na pinamili n
