“ANAK, magtapat ka nga sa amin,” paunang sabi ni Darwin sa anak nang makita nila itong mag-asawa na galing sa kusina.
“Ano ’yon, Daddy? Ano ang ipagtatapat ko sa inyo?” balewalang sagot ng binata, though may hinala na siya kung ano ang sasabihin sa kanya ng mga ito.
“Maupo ka muna, anak,” Darwin said to him.
Sumunod naman ang binata, naupo siya sa isahang sofa na nakaharap sa mga magulang.
“Ano ba ang plano mo sa kanya, anak? You’re old enough kaya alam kong nauunawaan mo ang sinasabi ko,” muling ani Darwin na sinegundahan ni Lorie.
“Greg anak, hindi na kami magpapaligoy-ligoy ng daddy mo. Kahit anak ka pa namin, kung may ginagawa kang kamalian, hinding-hindi ka namin kukunsintihin,” aniya.
In his mind, tama ang hinala niya na tungkol dito ang sasabihin ng mga ito.
“Kayo na rin an
