BUKOD sa ulan na bumasag sa katahimikan ng paligid ay sumabog din sa lahat ang tungkol sa m******e na nangyari sa kahabaan ng Tarlac.
“Magandang umaga po sa ating lahat, mga Kapamilya. Narito po ang nagbabagang balita sa oras na ito. Ayon sa nakakita, ang Partas Bus Line na ito ay hinarang ng mga kalalakihan na may takip sa mukha na tanging ang mga mata lamang ang nakikita. Matapos makuha ang lahat ng pera at puwedeng pakinabangan sa mga pasaherong lulan ng bus ay walang-awa nilang pinatay ang lahat ng pasahero gamit ang kanilang mga baril.
“Ayon sa saksi ay may dalawang pasahero ang inilabas ng mga salarin. Isang babae at isang lalaki na kung saan dadalhin ang mga ito ay hindi niya alam. Ayon pa sa matandang saksi ay may nahulog ang babaeng biktima na hindi napansin ng mga umaakay dit
