Asper Reign Dahlia’s Pov
Maluwag ang loob ko nang umuwi ako sa bahay pagkagaling sa mansion ng mga Flerry. Ngayong alam ko nang hindi nila sasabihin sa pamilya ko kung nasaan ako, wala nang dahilan para kabahan pa ako.
Hindi na din naman ako nagdalawang-isip pa na magtiwala sa kanila. Aba’y kung nagsisinungaling sila sa akin, sana ay agad na nilang sinabi kina Mommy kung nasaan ako na siguradong tumawag agad sa akin.
Pero walang ganoon na nangyayari.
“You…”
Napalingon ako sa nagsalita at napakunot ang noo ko nang makita si Jyn na may bitbit na isang lunch box. “Oh, hi.” Nakangiti akong lumapit sa kanya. “Thank you nga pala kagabi. Nasabi sa akin ni Mira na kayo ni Rajiv ang naghatid sa amin.”
Nakatitig siya sa akin na para bang may gustong sabihin ngunit ilang sandali lang ay umiling
