"Wow! Mukhang masarap lahat!" Masayang sabi ni Pablo Ruiz nang ihain sa mesa ang mga pagkain na niluto ni Ruby. Bago iyon sa paningin nila lalo pa at ang ilan ay hindi pa naluluto ni Manang Martina, lalo na ang Sarsyadong Tilapia na inilagay sa harapan nito.
"Dapat ganito ang mga pagkain, bago naman.. hindi yung paulit-ulit na lang." Sabi ni Evelyn bago kumuha ng ulam at tinikman. "At masarap ha?" Puri pa nito at nagkatinginan ang mga kasambahay at si Ruby. Maski si Don Pablo ay napangiti.
Tumikim rin si Raul at Ronolo at bakas sa mukha nila ang sarap ng pagkain. Si Fin ay nakatitig lang sa ulam dahil tila alam na niya kung sino ang may luto n'on.
"Hmm... Ang sarap talaga, pakisabi kay Manang Martina, dapat ganito lagi kasarap."
Napangiti si Don Pablo bago uminom. "Hindi si Martina
