"Where's your mom?" tanong ni Fin kay Ronolo nang mapansin na wala ang kapatid sa Mansion.
Umiling lang si Ronolo at tinuro ang entrance kung saan ito lumabas kanina. "Umalis ata, hindi nga nagdala ng driver at siya ang nag-drive. Mukhang na-badtrip kay Lolo saka kay Tita Ruby kaya umalis."
"Mas okay nga siguro na umalis muna siya para hindi na sila magbangayan ni Ruby, malamang gabi na naman ang balik non." Sambit pa ni Fin bago tumabi ng upo sa kaniyang pamangkin. "Oo nga pala? kailan ang balik mo sa Maynila?" tanong niya, pansin niya kasi na parang ayaw pa nito bumalik.
"Hindi ko pa alam, nag-e-enjoy pa ako sa drama dito sa bahay. Saka alam mo naman ng dahil sa nangyayari kay Lolo, hindi ko rin maiwasan na mag-alala. May balita na ba doon sa nagtatangka sa kaniyang buhay?"
Umiling
