Sirado na ang club at anong oras na rin pero wala silang balita kay Ruby. Hindi ito nag-text man lang sa kanila kaya naman ay minabuti nila na dumaan muna sa katapat na motel kung saan nag-check-in si Fin at Ruby.
"Umalis na yung lalaki?" Tanong ni Ginger sa lalaki na nasa front desk at tumango ito. Medyo close na rin nila ang lalaki dahil madalas na customer sa motel na ito ang mga nag-ta-trabaho sa The Palace.
"Anong oras umalis? Kanina pa?" Sabat naman ni Charlotte na muling ikinatango ng lalaki.
"Mga tatlong oras na rin nakakalipas. Hindi ko nga alam kung bakit hindi pa lumalabas si Ruby eh." Sabi pa ng lalaki.
"Ayan na nga ba sinasabi ko! Kanina pa eh! Hindi kaya napano 'yon? Baka may ginawa kung lalaking 'yon kay Ruby?! Manong Jun, baka naman pwede nakahiram kami ng spare key
