"Pupunta ka mamaya, Nay sa graduation ko?" tanong ng batang Ruby sa kaniyang ina na kasalukuyan na namamalansya ng damit at kaniyang toga. Ilang araw niya ng pinapakiusapan na huwag muna itong pumasok sa club para maihatid siya nito sa stage. Alam niya na busy ang kaniyang Nanay lalo pa at maliban sa trabaho nito sa club pag gabi ay kumuha rin ng mga labada na labahin ito sa mga kapitbahay para may pandagdag sa baon niya. Sinabi kasi nito sa kaniya na ngayon na matatapos na niya ang elementarya ay mas nalalapit na ang mga taon niya para sa kolehiyo, kaya kailangan na mag-ipon sa matrikula.
Ngumiti ang kaniyang Nanay at tumango. "Oo naman, graduation mo anak. Hindi p'wede na hindi ako pumunta. Alam ko na espesyal sa iyo ang araw na ito kaya naman ay buong araw ay nakalaan para sa iyo. Ala
