Agad tinampal ni Kurt ang kamay ni Kevin at tinampal naman ni Kevin pabalik ang kamay ni Kurt. Nagpapa-unahan pa talaga sila?
"Hey, hey, hey, anong ginagawa ng dalawang hampaslupang ito rito?" Saad ni Lyxeena at tumayo sa gilid ko at inakbayan ang balikat ko.
"Ang kapal niya para tawagin niyang hampaslupa ang dalawa," bulong ni Alessia sa gilid ko na narinig ko naman.
"To see Luna," sabay na saad ng dalawang lalaki.
"Kambal ba kayo? Daig niyo pa ang kambal kung sabay magsalita, maglakad, at maglahad ng kamay, ah," asar ni Lyxeena pero nanggigil ang boses niya.
"Lyx," bulong ko sabay lingon sa kan'ya.
"No, Luna, we promised, okay?" Saad niya sabay lingon sa akin at sabay na itinaas ang dalawang kilay niya. Hindi na ako nag-protesta pa.
"First of all, kayong dalawang lalaki na nagsisi
