"Done!" Napasigaw ako sabay taas sa dalawang kamay ko.
"1, 0," patuloy ni Sir at tumunog na agad ang timer.
"Good, you're on time, Ms. Derioso," saad ni Sir at lumapit sa akin at kinuha ang mga papel na sinagutan ko.
"I'll check this later, ibibigay ko 'to sa inyo bukas ng umaga, p'wede na kayong lumabas," diretsahang saad ni Sir at agad tumayo si Lyxeena at isinabit niya sa balikat niya ang bag niya.
"Sir, next time, h'wag niyo po kaming akusahan ng pinsan ko na nagche-cheat, kasi wala po sa bokabularyo namin na gumawa ng gan'yang bagay. Ano pa po bang saysay at silbi ng utak at talinong ibinigay sa amin kung hindi namin ito gagamitin sa tamang paraan? At, hindi namin ito gagamitin dahil umaasa lang kami sa sagot ng iba? Kung ganoon na lang din, mas mabuting wala na lang kaming utak,
