NAGISING si Estelle kinabukasan sa tunog ng pagbukas ng pintuan. Sumilip siya para tumingin sa bintana, umaga na at nasa bahay na sila kung saan sila tumutuloy ni Kurt. Natigilan siya nang maalala ang nangyari kagabi.
Hindi ba dapat nasa suite siya ni Amelia? Bakit nandito na siya sa bahay ni Kurt?
Napapikit tuloy siya sa isiping si Kurt ang nagbalik sa kanya rito.
Napahigpit ang paghawak ni Estelle sa kumot nang maramdaman ang pagsampa ni Kurt sa kama. Nakatakip sa buong katawan niya ang kumot kaya hindi makita ni Kurt ang kabuohan niya. Hindi rin nito alam na gising na siya.
Biglang nahigit ni Estelle ang paghinga nang pumasok si Kurt sa loob ng kumot niya. Gusto niyang magmulat noon para itaboy ito.
“W-wag!” biglang sambit niya nang maramdaman niya ang paghalik nito sa hita niya.
