"P-PO? NEXT week? Pero Tito, hindi ho ba masyado naman ata kayong nagmamadali na makasal kami ni Tallulah?" gulat na ani Gael nang sabihin ng ama ni Tallulah na gusto nitong ikasal agad sila sa susunod na linggo.
Tumango si Gilberto habang tahimik lang siyang nakaupo sa sala nang bahay niya. Kahapon pa siya lumabas ng hospital at hindi man lang siya pinuntahan doon ni Gael para samahan siya sa pag-uwi. Tanging si Kendric at ang kaibigan niyang si Brielle ang dumating doon.
"Gael, ilang linggo na lang at mahahalata na ang tiyan ni Tali at bago pa mangyari iyon, dapat makasal na kayo para maiwasan ang mas malaking kahihiyan ng anak ko," dahilan ng kaniyang ama.
"Tama si Gilbert, hijo mas maaga mas maganda para mabawasan ang maraming isseus tungkol sa inyong dalawa," segunda naman ni Carol
