TAHIMIK na bumaba ng sala si Tallulah habang nagpapahinga si Gael sa silid nito. Kahit gusto niyang batukan ang binata dahil sa pagsusungit nito, hindi niya magawa dahil boss niya pa rin ito.
"Hello, Ate Jo, Ate Mary," bati niya sa dalawang katulong na nasa kusina. Abala naman sa paglilinis sa labas ang dalawa pang katulong.
Ngumiti ang mga ito. "Kung nandito ka para tumulong sa amin, hindi mo na kailangang gawin, Tali kaya na namin 'to," agad na ani Jo sa kaniya.
Napakamot siya sa noo dahil mukhang nahulaan na ng mga ito ang gagawin niya. "Siya nga pala, Tali hindi ba't anak mo 'yong dumating kahapon?" usisa ni Mary sa kaniya.
Sumeryoso ang mukha niya at dahan-dahan tumango. "O-opo."
"Ang gwapo naman pala ng asawa mo, eh," tila kinikilig na ani naman Jo.
Alangan siyang ngumiti. "Nak
