MATAMANG tinitigan ni Gael ang cupcakes na nasa harap niya na binili ni Tallulah para sa kaniya. Sa kabila ng galit at poot niya rito, hindi pa rin niya maiwasang hindi makonsensiya at ma-guilty sa mga ginagawa niya sa dalaga dahil may pinagsamahan pa rin naman sila. Alam niya kung gaano kabuti si Tallulah at alam din niyang nabulag lang ito sa labis na pag-ibig para sa kaniya kaya naging ganito ito.
Napailing siya at napangiti, saka kumuha ng isang cupcakes. Tumango-tango siya dahil masarap iyon, marahil dahil paborito talaga niya ang vanilla flavor ng kahit ano'ng matatamis na pagkain.
Bumuntong-hininga siya at napawi ang ngiti nang maalalang bukas na pala ang kasal nila ni Tallulah pero hanggang ngayon, hindi pa rin siya naghahanda man lang para roon, 'ni hindi niya iyon iniisip at ku
