"Pasensiya ka na, anak, ha? Kung gulay lang ang ulam natin ngayon. Hindi rin kasi ako nakapalaot kaya walang isda."Nahihiyang saad ng Tatay ni Prince habang kumakain sila ng hapunan. "Hayaan mo at bukas na bukas din ay ipagkatay ka namin ng manok."
"Huwag na ho, 'Tay. Sayang naman 'yong manok. Ibenta na lang natin." Kontra ng binata.
Kanina panapapansin ni Castle ang pambabara nito sa kaniya.Pero okey lang 'yon sa dalaga. Dapat lang naman talaga itong magalit sa kaniya. Pero aminado siya na ang hindi okey sa kaniya ngayon ay ang pagkaing nasa harapan niya na pulos dahon.
Ang sabi ng Nanay ni Prince ay ginataang dahonng kamoteng-kahoy. Sunod-sunod na napalunok si Castle. Kanina pa siya nagugutom kaya wala na siyang ibang choice kundi ang kumain.
"Tama ho si Prince,..ibenta niyo
