Two years later...
"Castle, oh my God. Is that you?" Mabilis na binitiwan ng dalaga ang hawak niyang damit nang marinig ang isang pamilyar na boses.
Nasa isang mall siya noon sa Makati at namimili ng mga damit. Dalawang taon na rin ang nakakalipas simula nong umalis siya sa San Andres. Tinupad ng mga magulang niya noon ang pangakong bubuing muli ang kanilang pamilya. Pansamantalang iniwan ng Daddy niya sa kapatid ng kaniyang ina ang kanilang kumpanya. Sa LosAngeles sila pansamantalang tumira noon at dalawang linggo pa lang silang nakakabalik dito sa Pilipinas para i-celebrate ang kaniyang pagtatapos. At dito na rin sila maninirahang muli.
"Castle, ikaw nga!"
Bumangon ang excitement sa kaniyang puso nang makilala ang babae. "Annaliese!" Mahigpit nilang niyakap ang isa't-isa. "Gosh, I've
