Jenny's Pov
Nasa masarap akong pagtulog nang bigla na lamang umikot ang aking sikmura dahilan upang mapabalikwas ako ng bangon. Takip ko ang sariling bibig habang patakbo akong tinungo ang banyo. Doon ay suka ako nang suka pero wala namang lumalabas.
Natatakot na ako. Ilang araw ko na itong nararamdaman. Kakalam ang sikmura ko sa madaling araw at babangon ako para maghanap ng makakain, at pagkatapos kumain ay isusuka ko lang naman.
"Ano ba ang nangyayari sa akin?" wika ko. Tiningnan ko ang sarili ko sa salamin. Maitim na ang ilalim ng mga mata ko dahil sa puyat. Hindi na ako nakakatulog ng maayos. Pagdating naman sa eskwelahan ay madalas akong nakakaidlip.
Muli akong bumalik sa aking higaan. Alas singko palang ng madaling araw. Ganitong oras ako palagi kung gumising. Nahiga ako ulit a
