Gabi na pero narito pa rin sa bahay si Lyzander. Kanina pa siya tingin nang tingin sa akin na tila ba may gusto siyang sabihin ngunit hindi niya masabi. Abala rin kasi ako sa pagliligpit kaya hindi ko pa siya malapitan. Tulog na kasi si Inay kaya ako na lang ang nagligpit at nag-ayos ng lahat.
Sa totoo lang ay sobrang napahanga niya ako sa pa-surprise niya kaya hanggang ngayon ay kinikilig pa rin ako. Sa dami ng handa, hanggang ngayon ay nagbabalot pa rin ang mga kapitbahay namin. Napatawa ako at napailing habang nakatitig sa mga kapitbahay namin na nagkani-kaniya nang balot ng litsong baboy. Nag-aagawan pa ang mga ito na tila ba takot maubusan.
"Thank you, Jen! Nabusog mo kami, at may pa-take-out pa!" wika ng isang kapitbahay namin habang binabalot ang supot na hawak. Hindi ito magkanda
