AGAD akong tumayo. Ngunit malakas akong nakiramdam sa buong paligid, lalo sa babaeng nasa likuran ko na may baril na hawak.
“Lumakad ka papasok sa loob ng lupang butas at huwag na huwag kang lilingon sa akin!” galit na utos nito sa akin.
Hindi ako nagsalita. Humakbang ako nang tatlong beses. Pagkatapos ay maliksi kong itinaas ang aking kamay upang ilagay papunta sa likuran ko. Sabay hawak ng baril na nakatutok sa akinv batok. Yumuko rin ako ng ulo. Hanggang sa ubod lakas kong hinila ang baril nito.
Inangat ko rin ang isang kamao ko papunta leeg ng babae at ubod lakas kong sinuntok siya. Kaya nabitawan nito ang baril na pinag-aagawan namin. Ngunit sinundan ko pa ito ng suntok sa leeg kaya tuluyan na itong bumagsak sa lupa.
Dali-dali naman akong humakbang papalayo sa lugar na ito. Kailan
