NGUMISI ako sa babaeng kaharap ko. Ngunit hindi ko na pinatagal ang laban namin. Agad kong itinaas ang aking paa at ubod lakas ko itong sinipa sa sikmura niya, na siyang dahilan upang mapaurong ito.
Umikot din ako habang naka-angat ang hawak kong katana upang patamaan ang braso nito. Umigkas din ang kamao ko patungo sa leeg ng babaeng kalaban ko. At ubod lakas ko itong sinuntok.
Hanggang sa tuluyan na itong bumagsak sa lupa. Maliksi naman akong nagtago sa likod ng kotse dahil mayroon na naman bumabaril sa akin na mga kalaban.
“Tiyakin ninyong mapapatay ninyo siya!” narinig kong sabi ni Mayor.
Sumilip ako ng bahagya at nakita kong papasok ito sa loob ng bahay. Hanggang sa mapatingala ako at nakita ko ang isang tao na balak akong sipain sa aking ulo. Kaya naman agad kong itinaas ang haw
