ادم جاء له صدمه اول لما شاف محمد جوه البيت .. ما كانش عارف هو دخل ازاي لكن افتكر انه دلوقت عنده قوه خارقه يقدر يدخل بها في اي مكان .. محمد رد علي يا ادم و قال له : عاوز منك خدمه تنفذها لي في اسرع وقت ..
ادم : خدمه ايه دي اللي انت عاوزها مني ..
محمد : انا عاوز اتجوز وعارف العروسه كويس ..
ادم : ازاي يعني عاوز تتجوز ..
محمد : زي الناس يا ادم . هو ايه مش من حقي اني اتجوز زي بقيه الناس ولا ايه .. انا عاوز اتجوز سما اخت ساره مراتك .. البنت دي كويسه جدا وانا معجب بها .. عاوزك تفاتح ساره في الموضوع ده عشان اقدر اكمل حياتي بالشكل اللي انا عاوزه ..
ادم : هو انت اتجننت ولا ايه .. جواز ايه اللي عاوز تتجوزه .. انت نسيت انت مين ..
محمد : لا ما نسيتش انا مين .. بس عشان اعيش وسطكم لازم ابقى زيكم بالضبط .. اتجوز واخلف واعيش وانت لازم تنفذ لي اللي باقول لك عليه بالحرف الواحد .. ده وعد ما بيننا . مش ا
