ادم وهو رايح على البيت اتصل بساره وقال .. لها انه جايب معه شيخ عاوز يبص على البيت ..
ساره : خلاص يا ادم انا قلت لك انا مش عاوزه اقعد في البيت ده ما لوش لزوم اللي انت بتعمله ..
ادم : وانا قلت لك يا ساره هو ده اخر كلام عندي .. انا هاعمل اللي في دماغي ومش هاسمع كلامك .. انا هاقدر اتصرف واعرف ايه اللي جوه الشقه دي بالضبط .. وهاعرف اخرجه منها ازاي .. انا باكلمك عشان اقول لك اني جاي معي ضيف جهزي نفسك لانه هيطلع معي البيت ..
ساره : ماشي يا ادم اما نشوف ايه اخره الجنان ده ..
ادم اخذ الشيخ وطلع على فوق عشان يشوف هيعمل ايه بص على العماره واول لما الشيخ شاف العماره قال له : هو انت ساكن في العماره دي ..
ادم : ايوه ليه هو انت بتسال ليه يا شيخ ..
الشيخ طارق : اصل انا باسمع كلام غريب قوي عن العماره دي ناس كثير بتتكلم عليها وعن الحاجات الغريبه اللي بتحصل فيها .. بس بصراحه عمره ما حد طلب مني اجي ولا
