ادم كان واقف في الحمام بيحاول يسمع الصوت ويعرف هو جاي منين بالضبط ... الصوت كان عالي جدا ومش عارف الصوت ده جاي منين ولا قادر يحدد .. فتح البلاعه واول ما حط راسه جواها شاف عين طالعه منها بتبص له جامد جدا .. لكن ما كانش عارف يحدد ايه اللي جوه بالضبط رجع وراء و اتخبط في الحيطه جامد من كثر الخطه وراح واقع على الارض .. ساره طلعت تجري على الصوت لقيته واقع على الارض .. قعدت تقول له : ما لك يا ادم في ايه انت وقعت ازاي .. ادم ما كانش عاوز يخوفها ولا يقلقها ويقول لها اللي هو شافه .. راح قائل لها : كنت باشيل الغطا بتاع البلاعه اشوف تسريب الميه ده جاي منين رحت اتزحلقت وقعت على ظهري .. ما تقلقيش يا ساره انا كويس .
ساره : اتزحلقت ازاي يا ادم والارض ناشفه خالص .. ادم : ما اعرفش يا ساره اهو اللي حصل . المهم ان صوت الميه كان جاي من البلاعه دي ..
ساره : صوت الميه هيجي من البلاعه ازاي هي البلاعه بتنقط
