Habang hinahanda ko yung niluto kong Pork Sisig na dadalhin kay Annika ay hindi mawala ang kaba ko. Hindi ko kayang ipaliwanag, pero parang ayaw ko na lang tumuloy.
Pero nakakahiya kung hindi ako magpapakita doon. Baka sabihin pa, sa kaunting halagang lang ay ipinakilala ko na ang tunay na ugali ko.
"Ang guwapo ng pamangkin ko, ah..."
Bigla akong natigil sa pag-iisip nang marinig ko ang boses ni Chris. Minabuti kong ilihim na lang muna kay Chris ang bumabagabag sa akin.
"Tito, maglalaro daw kami ni Ysa dun sabi ni Nanay," sagot naman ni Zyrus dito.
"Ganun ba? Wag kang masyadong magulo dun, ha? Baka makabasag ka. Walang maibayad ang Nanay mo dun," may himig pagbibirong sabi ni Chris kay Zyrus.
"Opo, Tito. Promise po. Good boy ako
