"ARE YOU OKAY?" bungad na tanong ni Esrael sa dalaga nang lapitan niya ito sa bakuran ng mansion. Kanina niya pa ito tinatanaw habang nasa balkunahe siya sa ikalawang palapag ng bahay. Bumaba siya para sana kausapin ito. Pero parang ang lalim ata ng iniisip nito at maging ang pag lapit niya rito ay hindi manlang nito naramdaman.
Mabilis na nag angat ng kaniyang mukha si Gracia upang tapunan ng tingin ang binata na ngayo'y paupo na sa silyang nasa tabi niya. "S-sir Esrael. Kayo po pala."
"Mukhang malalim ata ang iniisip mo ngayon a!" kunot ang noo na tanong nito sa dalaga.
Muling nagpakawala ng malalim na buntong-hininga ang dalaga pagkuwa'y nangalumbaba sa lamesang nasa harapan nila. Latag na ang dilim sa buong paligid, tapos na rin silang mag haponan. Patulog na sana siya kanina pero n
