Page 24
***
Iginala ko ang aking mata sa buong lugar. Apat na taon na ang nakakaraan nang umalis ako pero wala pa rin ipinagbago ang buong Metropolis.
Nagdesisyon akong umalis pagkatapos ko makipaghiwalay sa kanya. Bagama’t lumayo ako ay hindi naman ako naging huli sa balita dahil palagi nila akong hindi nakakalimutan balitaan sa mga nangyayari rito. Ang kaisa-isang balita lang na ayokong marinig ay sa kanya dahil siya naman ang dahilan kung bakit ako umalis.
Umalis ako dahil natakot ako. Iyon ang pinakadahilan kung bakit basta ko siya iniwan kahit na nagmakaawa siya sa aking huwag akong umalis. Kahit sobrang bigat sa dibdib ay pinili ko ang sarili ko at ang kaligayahan ng taong mahalaga sa akin. Nagpauto na naman ako sa kung anong tama sa paningin ng karmihan kesa sa kung anong tama
