NAGING maayos ang pagsasama nila ni Maxwell pagkatapos ng gabing 'yon. Nakabalik na rin ang lalaki sa trabaho. Hindi na niya inalam kung nakikipagkita pa rin ito kay Yvonne. Gaya ng plano nito noon, hatid sundo siya nito sa eskuwela.
Her sister resigned. Ayon dito ay nakahanap ito ng mas magandang trabaho. International ang operation ng bagong company nito kaya madalas wala sa bansa. Sapat na kay Jan na maayos ang lagay ng kapatid. Isa na lang talaga ang kulang para makumpleto ang kaligayahan niya; ang magising ang Mommy nila.
"Babe, mali-late ako ng uwi. May ka-meeting ako sa Sherington Hotel."
"Ipagda-drive ka ba ni Kuya Martin?" tanong niya.
Maaga siyang umuwi dahil hindi maganda ang pakiramdam niya. Hindi na siya dumaan sa opisina ni Maxwell dahil maghapon daw itong nasa labas.
