XVIII.
“ANG LASWA MO, Ice!” sigaw ni Kirsten.
Natapos masabi iyon ni Kirsten ay pinulot niya ang unan sa sahig at tinapon din iyon sa asawa. Pagkatapos, kinuha na nito ang mga pinamili at nilagay sa mesa sa harapan ng kanilang sofa. Umupo na siya at tinanggal ang mga pinamili niya sa lalagyan. Tinanggal na rin niya ito ng mga price tags.
“Tin, naibigay ko na kanina ang mga samples ninyo ni Tito Zeddrick,” sabi ni Ice.
Nilingon ito ni Kirsten. “Mabuti. Alam mo ba kanina kung ano ang ginawa ni Tito Zedd kay Tita? Iniwan niya lang bigla nang may tumawag. Mabuti na lang ay nandoon kami nila Lorraine.”
“Baka may emergency lang.”
“Pwede rin. Pero alam mo, ang saya ko kanina. Una, napagkamalan kaming magkapatid ni Lorraine. Pangalawa, ang sabi ni Tita may hawig daw ako kay Lorraine. Nakakat
