XXIII.
HINDI MAPIGILANG MATAWA ni Ice nang humagulgol ang asawa. Natutuwa lang siyang asarin ito. Naiinis kasi siya sa ginawa nito kanina. Ayaw niya lang ang ideya na may kasama itong lalaki sa loob ng banyo. Bagaman alam niyang wala namang mangyayari sa dalawa. Hindi niya pa rin mapigilan mainis.
“Sorry, Tin. Ang bored ko kasi kanina,” sabi ni Ice.
Nagpupunas ng luha sa mga mata si Kirsten. “P-Para ka talagang sira, Ice! Sabihin mo raw, paano ka naging bored? E, ang daldal mo nga.”
“Ang gusto ko kasi ay akin lang ang atensiyon mo. But how can I do that, ha? May kausap ka pang maarte na Lorraine, panget na Vico, at hindi kamahal-mahal na si Veronica.”
“Grabeng bibig iyan, Ice,” reklamo ni Kirsten. Umusog na siya para bumalik sa puwesto niya.
“I am your husband. Tanggapin mo kung ano
